Esboniad o’ch bil blynyddol
Efallai eich bod wedi derbyn eich bil blynyddol newydd. Gweler isod i wybod mwy am eich bil a gweld y cwestiynau cyffredin a’r atebion iddynt.
Cwestiynau cyffredin am eich bil blynyddol
Mae eich bil am daliadau anfesuredig a thaliadau Dŵr a Charthffosiaeth yn amrywio yn dibynnu ar Werth Ardrethol yr eiddo, ond bydd y bil arferol ar gyfer ein cwsmeriaid anfesuredig yn cynyddu tua £42 neu 6.6% - (tua £3.50 y mis neu 11c y dydd).
Ar gyfer ein cwsmeriaid Mesuredig bydd yn cynyddu tua £20 neu 3.9% (tua £1.66 y mis neu 5c y dydd).
Mae biliau blynyddol wedi cynyddu oherwydd cyfradd Chwyddiant. Mae hyn yn golygu bod pris nwyddau a gwasanaethau wedi cynyddu.
I ni, mae hyn yn golygu bod ein prisiau wedi cynyddu ar gyfer deunyddiau a chostau pŵer sydd eu hangen i gynhyrchu dŵr yfed glân a thrin gwastraff dŵr. Mae'r cyfyngiadau prisiau ar gyfer pob cwmni dŵr yn y DU yn cael eu pennu gan reoleiddiwr y diwydiant, Ofwat.
Os ydych yn cael trafferth fforddio eich bil blynyddol, peidiwch â dioddef yn dawel, rydym yn gwybod y gall bywyd fod yn llawn straen ac yn anrhagweladwy a gall amgylchiadau personol newid yn gyflym iawn.
Efallai y byddwn yn gallu eich helpu a chynnig cymorth ariannol, cliciwch yma i gael gwybod mwy.
Cyfrifir eich bil blynyddol gan ddefnyddio system sgorio o'r enw Gwerth Ardrethol. Cyn 1990, rhoddwyd Gwerth Ardrethol penodol i bob eiddo gan eich cyngor lleol.
Ar y pryd, roedd Gwerthoedd Ardrethol yn cynnwys sawl peth fel maint, cyflwr a lleoliad eich cartref.
Defnyddiwyd Gwerth Ardrethol eich eiddo fel ffordd o gyfrifo eich taliadau dŵr anfesuredig. Gan taw nid ni a osododd eich gwerth ardrethol, nid ydym yn gallu ei newid.
Gan fod Gwerthoedd Ardrethol wedi'u gosod ar gyfer pob eiddo yn unigol, bydd adegau lle byddwch yn gweld eich bod yn talu mwy, neu lai, na'ch cymdogion er bod eich eiddo'n debyg iawn.
Efallai y bydd mesurydd dŵr gan rai cartrefi neu efallai eu bod ar dariff sy'n golygu y bydd eu bil yn wahanol.
Yn anffodus, ni fydd gennym ni, na'ch cyngor lleol, unrhyw fanylion am sut y cafodd eich eiddo ei asesu. Ataliwyd Gwerthoedd Ardrethol yn 1990 (oherwydd y cyflwynwyd y Dreth Gyngor), a oedd yn golygu nad oeddynt bellach yn cael eu hail-asesu na'u pennu ar gyfer unrhyw eiddo newydd a adeiladwyd ar ôl 1990.
Gan nad yw Gwerthoedd Ardrethol yn cael eu hail-asesu mwyach, ni ellir eu newid. Mae'r rhan fwyaf o gwmnïau dŵr yn y DU yn defnyddio'r ffordd hon o godi tâl ar gwsmeriaid nad oes ganddynt fesurydd dŵr ac a gymeradwyir gan Ofwat, y rheoleiddiwr ar gyfer y diwydiant dŵr.
Mae opsiynau eraill ar gael i ostwng eich bil dŵr (yn dibynnu ar eich amgylchiadau unigol).
Os ydych yn byw ar eich pen eich hun, ddim yn defnyddio llawer o ddŵr, neu os ydych eisiau leihau eich bil, gallech arbed arian drwy osod mesurydd dŵr, cliciwch yma i ddod o hyd i fwy.
Os ydych yn cael trafferth fforddio eich bil, peidiwch â'i anwybyddu, mae gennym sawl ffordd y gallwn helpu a gwneud eich biliau'n fwy fforddiadwy, cliciwch yma i gael gwybod mwy.
Caiff unrhyw 'elw' a wnawn ei ail-fuddsoddi yn ôl i'r busnes – nid yw'n mynd at gyfranddalwyr sy'n golygu bod elw'n cael ei ail-fuddsoddi'n uniongyrchol i ddarparu gwell gwasanaethau i gwsmeriaid a chadw biliau mor isel â phosibl.
Os ydych chi'n cael trafferth talu eich bil, peidiwch â dioddef yn dawel – siaradwch â ni. Rydym yn gwybod y gall bywyd fod yn llawn straen, yn anodd ei ragweld, a gall amgylchiadau personol newid yn gyflym iawn.
Efallai y gallwn eich helpu a chynnig cymorth ariannol. Gallwch hefyd sefydlu cynllun talu bob wythnos, bob pythefnos neu bob mis, cliciwch yma i gael gwybod mwy.
Gallwch dalu rhandaliadau bob wythnos, bob pythefnos neu bob mis, yn hytrach na thalu'n llawn pan fyddwch yn derbyn eich bil. Mae'n well gan y rhan fwyaf o'n cwsmeriaid dalu drwy Ddebyd Uniongyrchol gan fod hynny’n gwasgaru'r gost yn ddi-dâl, mae'r taliadau'n cael eu cymryd yn awtomatig, ac mae’n cael ei ddiogelu gan ein gwarant Debyd Uniongyrchol. Fel arall, gallwch drefnu cael cerdyn talu os nad yw debyd uniongyrchol yn addas i chi.
Nid ydym yn cynnig gostyngiadau, rydym yn bilio ar gyfradd sefydlog ar gyfer eich eiddo. Os ydych yn sengl ac yn byw ar eich pen eich hun, gallai fod o fudd i chi fod â mesurydd dŵr a gallwch wasgaru cost eich bil drwy dalu'n wythnosol neu’n fisol drwy ddebyd uniongyrchol neu gerdyn talu.
Cewch dalu'n wythnosol yn uniongyrchol o'ch cyfrif banc drwy sefydlu debyd uniongyrchol neu gallwch ofyn am gerdyn talu a thalu’n wythnosol neu bob pythefnos.
Cofrestrwch ar gyfer
Fy Nghyfrif
Gallwch weld gwybodaeth am eich balans, biliau, taliadau a llythyrau ar-lein ar yr adeg sydd fwyaf cyfleus i chi. Cofrestrwch ar gyfer Fy Nghyfrif i gael y gorau o'n gwasanaethau.
The meter estimation calculator
Could you be saving with a water meter?
Just answer a few questions and see what your bill could be if you were on a meter!
Faint o bobl sy'n byw yn eich eiddo?
How do you use your water?
Ydych chi'n defnyddio cawod pŵer, peiriant golchi dillad neu beiriant golchi llestri, taenellwr gardd, neu bibell ddŵr?
Dewiswch ydy neu nac ydy
Eich amcangyfrif misol
Ar sail yr wybodaeth yr ydych wedi’i rhoi, byddem ni’n disgwyl i'ch bil fod tua £{MonthlyCharge} y mis* pe baech yn newid i fesurydd.
Amcangyfrif yn unig yw hwn, gall eich bil fod yn uwch neu'n is na hyn yn dibynnu ar faint o ddŵr yr ydych yn ei ddefnyddio. Byddai eich bil wedi’i seilio ar faint o ddŵr yr ydych yn ei ddefnyddio bob 6 mis.
Os oes gennych ddiddordeb, darllenwch isod am fwy o wybodaeth.
*Mae’r amcangyfrif misol yn seiliedig ar gwsmer sy’n derbyn gwasanaeth dŵr a charthffosiaeth.
Gallai eich bil bod o gwmpas
£{{monthlyCharge}}
y mis
neu £{AnnualCharge} y blwyddyn.