Cwestiynau cyffredin

Yn dilyn sawl wythnos o dywydd neilltuol o boeth a sych, mae’r galw am ddŵr yfed mewn rhannau o’r gorllewin wedi aros tua 20% yn uwch nac arfer am gyfnod estynedig. Mae hyn yn golygu bod cronfeydd gwasanaeth lleol yn cael eu gwacáu yn gynt nag y gellir eu hadlenwi ar adegau prysuraf y dydd.

Bydd cyflwyno gwaharddiad ar bibellau dyfrio yn lleihau defnyddiau o ddŵr nad ydynt yn hanfodol, gan amddiffyn y cyflenwadau i gartrefi, busnesau a gwasanaethau hanfodol tra bod y galw’n parhau i fod yn uchel dros ben.

Mae sefyllfa ein cronfeydd a’n hadnoddau dŵr yn dal i fod yn iach.

Nid prinder dŵr yn ein cronfeydd yw’r rheswm dros gyflwyno’r gwaharddiad yma. Y sialens yw lefel uchel dros ben y galw am ddŵr wedi ei drin, a’r pwysau y mae hyn yn ei roi ar ein gallu i drin, pwmpio ac adfer storfeydd lleol (mewn tanciau storio danddaear) yn ddigon cyflym i ddiwallu’r galw, yn arbennig ar adegau prysuraf y dydd.

Rydyn ni’n cynllunio am gyfnodau o dywydd poeth a galw uwch bob blwyddyn.

Cyn cyflwyno’r cyfyngiadau hyn, rydyn ni wedi:

• gweithredu ein gweithfeydd trin dŵr ar y capasiti uchaf posibl
• symud mwy o ddŵr o gwmpas y rhwydwaith lle bynnag y bo modd
• defnyddio ein fflyd gyfan o danceri
• cynyddu ein hadnoddau gweithredol
• gweithio rownd y cloc i drwsio gollyngiadau
• monitro cyflenwadau ar draws yr ardal o dan sylw yn ofalus

Er gwaethaf y mesurau hyn, mae’r galw’n wedi parhau i fod yn drech na’r hyn y gellir ei gyflenwi’n gynaliadwy yn ystod cyfnodau prysuraf y dydd.

Yn wahanol i gyfnodau arferol o dywydd poeth, mae’r galw wedi aros yn uchel dros ben trwy gydol y dydd a gyda’r nos dros nifer o wythnosau.

Mae’r cyfnod estynedig o dywydd poeth a sych, o’i gyfuno â nifer fwy o ymwelwyr dros gyfnod y gwyliau haf, wedi golygu bod lefelau’r galw yn uwch na dim a welwyd o’r blaen yn yr ardal hon.

Mae’r cyfyngiadau mewn grym i gwsmeriaid sy’n cael cyflenwadau yn y parth cyflenwi dŵr o dan sylw, sef rhannau o:

• Canolbarth a De Ceredigion
• Gogledd Sir Benfro
• Gogledd Sir Gaerfyrddin

Gall cwsmeriaid ddilysu a yw’r cyfyngiadau mewn grym yn eu cod post nhw trwy ddefnyddio ein chwiliwr codau post ar lein.

Nid yw ffiniau cyflenwi dŵr yn dilyn ffiniau cynghorau neu godau post.

Pa waith trin a rhwydwaith sy’n cyflenwi’ch eiddo sy’n pennu hyn.

Rhaid i gwsmeriaid beidio â:

• dyfrio gerddi gan ddefnyddio pibell ddyfrio
• glanhau cerbydau modur preifat gan ddefnyddio pibell ddyfrio
• dyfrio planhigion ar safle domestig neu anfasnachol arall gan ddefnyddio pibell ddyfrio
• glanhau cychod hamdden preifat gan ddefnyddio pibell ddyfrio
• llenwi neu gynnal pwll nofio neu bwll padlo domestig
• tynnu dŵr at ddefnyddiau hamdden domestig gan ddefnyddio pibell ddyfrio
• llenwi neu gynnal pwll domestig gan ddefnyddio pibell ddyfrio
• llenwi neu gynnal ffynnon addurnol
• glanhau waliau neu ffenestri eiddo domestig gan ddefnyddio pibell ddyfrio
• glanhau llwybrau neu batios gan ddefnyddio pibell ddyfrio
• glanhau arwynebau artiffisial awyr agored eraill gan ddefnyddio pibell ddyfrio

Cewch barhau i:

• ddefnyddio caniau dyfrio
• defnyddio bwcedi
• golchi cerbydau gyda bwced a sbwng
• dyfrio planhigion gan ailgylchu dŵr o’r cartref
• defnyddio dŵr ar gyfer hanfodion y cartref

Oes.

Mae rhai cwsmeriaid a gweithgareddau wedi eu heithrio o dan y ddeddfwriaeth, gan gynnwys rhai cwsmeriaid bregus, deiliaid Bathodynnau Glas a rhai gweithgareddau masnachol.

Mae’r manylion llawn ar gael yn yr hysbysiad.

Cyfyngiadau dros dro yw’r rhain.

Byddan nhw’n aros mewn grym cyhyd ag y bo angen er mwyn amddiffyn cyflenwadau dŵr hanfodol, a byddwn ni’n eu codi pan fydd y galw’n disgyn, a lefelau’r storfeydd yn ymadfer.

Rydyn ni’n monitro’r canlynol yn barhaus:

• y galw gan gwsmeriaid
• rhagolygon y tywydd
• storfeydd ein cronfeydd gwasanaeth
• perfformiad y rhwydwaith

Pan fydd y galw’n dychwelyd i lefelau cynaliadwy, y storfeydd wedi ymadfer, a rhagolygon y tywydd yn golygu bod llai o risg i’n gallu i ddosbarthu dŵr, byddwn ni’n codi’r cyfyngiadau.

Ddim o reidrwydd.

Mae’r cyfan yn dibynnu ar y galw gan gwsmeriaid ac amodau’r tywydd.

Os bydd y tymheredd yn gostwng neu os cawn dipyn o law, a’r galw’n disgyn, gellid codi’r cyfyngiadau’n gynt o lawer.

Rydyn ni’n monitro’r galw ar draws ein hardal weithredu yn barhaus.

Ar hyn o bryd, mae’r cyfyngiadau mewn grym yn y parth cyflenwi dŵr o dan sylw yn unig.

Byddwn ni’n parhau i gadw llygad ar ardaloedd eraill tra bod y galw’n parhau i fod yn eithriadol o uchel.

Nac ydy.

Nid oes gwaharddiad ar bibellau dyfrio i gwsmeriaid yn Sir Henffordd ar hyn o bryd.

Fodd bynnag, mae’r galw yn dal i fod yn sylweddol uwch nac arfer, ac rydyn ni’n parhau i fonitro cyflenwadau yn ofalus wrth ofyn i gwsmeriaid ddefnyddio dŵr yn ddoeth.

Rydyn ni wedi:

• cynhyrchu tua un biliwn litr o ddŵr yfed pob dydd
• gweithredu ein gweithfeydd trin dŵr ar y capasiti uchaf posibl
• symud dŵr o gwmpas y rhwydwaith lle bynnag y bo modd
• defnyddio ein fflyd gyfan o danceri
• gweithio rownd y cloc i drwsio gollyngiadau
• cynyddu staff gweithredol
• monitro cyflenwadau 24 awr y dydd.

Dim ond ar ôl cymryd pob cam gweithredol posibl eisoes y cyflwynwyd y gwaharddiad ar bibellau dyfrio.

Ydyn.

Mae lleihau gollyngiadau’n flaenoriaeth trwy gydol y flwyddyn.

Yn ystod y cyfnod hwn, rydyn ni wedi cynyddu ein gwaith trwsio, blaenoriaethu gollyngiadau sylweddol a rhoi timau gweithredol ychwanegol ar waith.

Fodd bynnag, ni fyddai trwsio pob gollyngiad yn gwrthbwyso’r cynnydd neilltuol a welwyd yn y galw gan gwsmeriaid.

Mae pob litr sy’n cael ei arbed yn helpu i leihau’r pwysau ar y rhwydwaith, ac yn helpu i sicrhau cyflenwadau dibynadwy i bawb.

Bydd lleihau defnydd nad yw’n hanfodol nawr yn helpu i leihau’r risg bod cwsmeriaid yn wynebu pwysedd dŵr isel neu doriadau yn eu cyflenwadau.

Na chewch.

Mae gwaharddiad ar bibellau dyfrio yn cyfyngu ar rai defnyddiau disgresiynol o ddŵr mewn cyfnodau o brinder dŵr. Nid ydym yn codi tâl ar wahân ar gwsmeriaid am y gweithgareddau a gyfyngir, ac felly ni fydd cyflwyno gwaharddiad ar bibellau dyfrio yn golygu gostyngiad mewn taliadau dŵr. Fodd bynnag, gallai cwsmeriaid â mesurydd dŵr weld biliau is os byddan nhw’n defnyddio llai o ddŵr yn gyffredinol yn ystod cyfnod y cyfyngiadau.

Cyfyngiad cyfreithiol yw’r gwaharddiad ar bibellau dyfrio.

Gobeithio y bydd cwsmeriaid yn cefnogi’r mesurau o’u gwirfodd.

Gellir cymryd camau gorfodi am dorri’r cyfyngiadau lle bo hynny’n briodol.

Gallai fod yna eithriad dilys.

Ni ddylai cwsmeriaid dybio bod rhywun yn torri’r rheolau.

Gall llawer o fusnesau barhau i weithredu fel arfer.

Mae rhai gweithgareddau masnachol wedi eu heithrio o dan y ddeddfwriaeth.

Mae’r canllawiau llawn i’w gweld ar ein gwefan.

Nid yw’r Gwaharddiad Dros Dro ar Ddefnydd yn effeithio ar y cymorth sydd ar gael trwy ein Cofrestr Gwasanaethau Blaenoriaeth.

Gall cwsmeriaid sydd angen cymorth ychwanegol gysylltu â ni unrhyw bryd.

Mae’r camau syml yn cynnwys:

• cael cawodydd byrrach
• cau’r tap wrth frwsio dannedd
• rhoi llwyth llawn yn y peiriant golchi
• defnyddio can dyfrio yn lle pibell ddyfrio
• trwsio tapiau sy’n diferu
• osgoi defnydd diangen o ddŵr yn yr awyr agored

Byddwn ni’n parhau i rannu diweddariadau rheolaidd trwy:

• ein gwefan
• y cyfryngau cymdeithasol
• y cyfryngau lleol
• negeseuon e-bost a thestun at gwsmeriaid lle bo’n briodol

Mae lles anifeiliaid yn bwysig. Os oes angen glanhau er mewn amddiffyn iechyd a lles anifeiliaid, gall eithriadau weithredu o dan rai amgylchiadau, gan gynnwys:

• Llenwi neu gynnal pwll a ddefnyddir at ddibenion dadhalogi anifeiliaid rhag heintiau neu afiechyd;
• Llenwi neu gynnal pwll sy’n cael ei ddefnyddio yn rhan o raglen o driniaeth filfeddygol;
• Llenwi neu gynnal pwll lle mae pysgod neu anifeiliaid dyfrol eraill yn cael eu magu neu eu cadw;
• Llenwi neu gynnal pwll domestig lle mae pysgod neu anifeiliaid dyfrol eraill yn cael eu magu neu eu cadw;
• Llenwi neu gynnal ffynnon addurnol sydd yn, neu’n agos at bwll pysgota, â’r pwrpas o ddarparu digon o ocsigen ar gyfer y pwll o dan sylw.

Cewch, lle bo hynny’n angenrheidiol er mwyn amddiffyn iechyd a lles pysgod neu anifeiliaid dyfrol eraill.

Rydyn ni’n gofyn i gwsmeriaid gyfyngu eu defnydd o ddŵr i’r hyn sy’n angenrheidiol.

Mae Gwaharddiad Dros Dro ar Ddefnydd yn gyfyngiad cyfreithiol o dan Ddeddf y Diwydiant Dŵr 1991.

Ein blaenoriaeth yw annog cwsmeriaid i gefnogi’r cyfyngiadau o’u gwirfodd. Rydyn ni’n gobeithio y bydd pobl yn deall taw bwriad y mesurau dros dro yma yw amddiffyn cyflenwadau dŵr i bawb.

Gellir cymryd camau gorfodi am dorri’r cyfyngiadau lle bo hynny’n briodol.

Cofiwch fod gan rai cwsmeriaid a busnesau eithriad cyfreithiol rhag dilyn y cyfyngiadau, felly mae’n bosibl bod rhywun sy’n defnyddio pibell ddyfrio’n gwneud hynny’n gyfreithlon.

Byddem ni’n annog pawb i ganolbwyntio ar leihau eu defnydd eu hunain o ddŵr yn hytrach na thybio bod rhywun arall yn torri’r cyfyngiadau.

Mae rhai gweithgareddau masnachol yn cael eu hepgor o dan y ddeddfwriaeth am fod defnyddio dŵr yn hanfodol i iechyd y cyhoedd, diogelwch, lles neu weithgarwch economaidd.

Bwriad y cyfyngiadau yw lleihau defnydd o ddŵr nad yw’n hanfodol, a hynny wrth ganiatáu i wasanaethau hanfodol a llawer o fusnesau barhau i weithredu.

Ydy. Mae rhai cyfyngiadau’n berthnasol i fusnesau yn ogystal ag aelwydydd.

Fodd bynnag, mae yna nifer o eithriadau statudol ar gyfer gweithgareddau masnachol penodol.

Dylai busnesau ddarllen y canllawiau manwl sydd ar ein gwefan er mwyn deall sut mae’r cyfyngiadau’n berthnasol iddyn nhw.

Gall busnesau glanhau ffenestri proffesiynol barhau i weithredu lle bo eithriad mewn grym o dan y ddeddfwriaeth.

Dylai busnesau sicrhau eu bod nhw’n deall y gofynion cyfreithiol cyn defnyddio dŵr yn ystod y Gwaharddiad Dros Dro ar Ddefnydd.

Os yw’r cerbydau hyn yn cael eu defnyddio yn rhan o fusnes masnachol, gallai eithriadau fod yn berthnasol.

Ni ddylai perchnogion cerbydau preifat ddefnyddio pibell ddyfrio yn ystod cyfnod y gwaharddiad ar bibellau dyfrio.

Rydyn ni’n gwerthfawrogi’r gwaith caled sy’n cael ei wneud gan elusennau a grwpiau cymunedol.

Fodd bynnag, oni bai bod eithriad yn weithredol, ni ddylid cynnal golchfeydd ceir elusennol sy’n defnyddio pibellau dyfrio yn ystod y gwaharddiad ar bibellau dyfrio.

Dylid ystyried gweithgareddau eraill i godi arian yn ystod y cyfnod hwn.

Mae llawer o fusnesau golchi ceir masnachol wedi eu heithrio am eu bod nhw’n defnyddio dŵr yn effeithlon ac yn aml yn ailgylchu dŵr yn rhan o’u gwaith.

Dylai cwsmeriaid ddilysu’r rhestr gyflawn o eithriadau o ran glanhau cerbydau masnachol.

Gall canolfannau garddio barhau i ddyfrio planhigion sy’n cael eu tyfu neu eu harddangos i’w gwerthu os oes eithriad yn gweithredu.

Bwriad y cyfyngiadau yw lleihau defnydd o ddŵr lle nad yw’n hanfodol wrth ganiatáu i fusnesau barhau i weithredu lle bo modd.

Mae yna rhai eithriadau ar gyfer planhigion neu stoc fasnachol sydd newydd eu plannu lle bo hynny’n angenrheidiol er mwyn atal colledion.

Dylai cwsmeriaid ddarllen yr eithriadau manwl a gyhoeddwyd ar ein gwefan.

Gall awdurdodau lleol a sefydliadau sy’n gyfrifol am blannu cyhoeddus barhau i ddyfrio lle bo angen er mwyn amddiffyn coed ifanc neu gynlluniau plannu pwysig.

Dylid defnyddio dŵr yn gyfrifol bob amser.

Gall rhai arwynebau chwaraeon fod yn gymwys am eithriadau o dan y ddeddfwriaeth.

Dylai pob sefydliad ddarllen y canllawiau a gyhoeddwyd er mwyn deall y goblygiadau ar gyfer eu gweithgareddau.

Lle bo eithriadau mewn grym, gall cynghorau barhau i ddyfrio planhigion cyhoeddus pwysig.

Rydyn ni’n annog pob sefydliad i ddefnyddio cyn lleied o ddŵr â phosibl lle bynnag y bo modd.

Mae yna ddarpariaeth ar gyfer cynhyrchu bwyd yn y ddeddfwriaeth ac mae eithriadau’n gweithredu dan rai amgylchiadau.

Lle bo dyfrio’n hanfodol i amddiffyn cnydau, dylai cwsmeriaid ddilyn y canllawiau a gyhoeddwyd.

Bwriad y cyfyngiadau yw lleihau defnydd o ddŵr nad yw’n hanfodol.

Dylai awdurdodau lleol ddarllen yr eithriadau statudol ac ystyried a yw gweithredu cyfleusterau chwarae dŵr yn briodol tra bod y gwaharddiad ar bibellau dyfrio ar grym.

Ni ddylai cwsmeriaid ddefnyddio pibell ddyfrio i lenwi neu adlenwi ffynhonnau ac addurniadau dŵr oni bai bod eithriad yn berthnasol i hynny.

Mae diffodd addurniadau dŵr yn helpu i arbed dŵr wedi ei drin yn ystod cyfnodau o alw eithriadol o uchel.

Mae’r ddeddfwriaeth yn cynnwys eithriadau penodol ar gyfer rhai arferion crefyddol.

Dylai unrhyw un sy’n gyfrifol am y cyfleusterau hyn gyfeirio at y canllawiau a gyhoeddwyd er mwyn deall sut mae’r eithriadau’n gweithredu.